Мен Сiзбен өзiмнiң жеке блогымда кездескенiме қуаныштымын. Мен өз блогымның оқырмандармен керi байланыс орнағанын қалаймын. Мүмкiндiктерiңiз болса, маған өз пiкiрлерiңiздi жазыңыздар, ойларыңызбен бөлiсiңiздер, ұсыныстарыңызды айтыңыздар. Сiздердiң жазған әрбiр ой-пiкiрлерiңiздi мiндеттi түрде оқитын боламын.

07/05/18

Құрметті Отан қорғаушылар! Құрметті жерлестер!

Сіздерді Қазақстан Республикасы Қарулы Күштерінің құрылған күнімен шын жүректен құттықтаймыз.

Осынша тарихи қысқа мерзім ішінде өз армиямызды, әскерлер сабын түзеп,әскерімізді қаруландырып шықтық. Ол енді тәуелсіз мемлекетіміздің ажырамас бөлігіне, заманымыздың жақсы дайындалған, жасақталған, ұрысқа қабілетті армиясына айналды.

Ұлттық қауіпсіздік – біздің баға жетпес байлығымыз болып табылады.Бірлігіміз бекем, қалқанымыз берік болған соң, ел тыныштығы бұзылған жоқ.

Құрметті Отан қорғаушылар!

Бүгінгі мереке арқылы біздің әскери азаматтар жастарды отансүйгіштікке, Отан қорғауға тәрбиелеуге елеулі үлесін қосады деп сенеміз. Сіздерге мықты денсаулық, халқымыздың бейбітшілігі мен тыныштығын тілейміз. Қазақстанды өркендету жолындағы қызметтеріңіз табысты болсын!

767 қарау пікір: 0

22/03/18

Құрметті жерлестер, қонақтар!

Сіздерді бірлік пен берекенің, тоқшылық пен молшылықтың басы көктемнің тамылжыған жайдары күндерімен бірге келген Ұлыстың ұлы күні – Наурыз мерекесімен шын жүректен құттықтаймын!
Наурыз – жылдың басы, күн мен түннің теңелер шағы. Тамырын тереңнен тартқан осынау мереке – ежелден халқымыздың берекесі мен бірлігіне, бір-біріне деген риясыз тазалығына, татулығы мен ынтымақ-ықыласына арқау болып, шаттық пен қуанышқа кенелткен ұлы мереке. Бұл күн жер-дүниенің бусанып, жан-жануарлар төлдеп, адамзат баласының аузы аққа тиетін күні.
Көгіне күнін өрлетіп, ешкі мен қойын төлдетіп, қаймақ пен сүтін көлдетіп  келген Наурыз мейрамы жер бетіндегі ең ежелгі мерекелердің бірі.

Наурыз айыныӊ еліміздіӊ Тәуелсіздік күнтізбесінде ерекше орны бар. Біз көктемніӊ алғашқы күнінде Алғыс айту күнін атап өтеміз.

Сонымен бірге, бұл – Қазақстан халқы Ассамблеясы құрылған күн.

Ұлыстыӊ ұлы күні Наурыз мейрамы шуақты көктем айыныӊ еншісінде.

Қымбатты аналарымызды да мерекесімен наурыз айында құттықтаймыз. Осы ізгі оқиғалардыӊ бәрі Қазақстан халқын біріктіре түседі. «Рухани жаӊғыру» бағдарламасы да осыған бағытталған.
Біз елдіӊ бірлігі мен мемлекеттіӊ сындарлы саясатыныӊ арқасында барлық сынақтардан абыроймен өттік. Ел иесі қазақ халқыныӊ маӊына ұйысқан барша этностар оны жоғары бағалайды. Елбасымыз Нұрсұлтан Әбішұлы Назарбаев: «Біз – көпұлтты қоғамбыз және де ұлтаралық қатынастар мәселесінде ешқандай қосарланған стандарттар болмауға тиіс. Қазақстанда барлық ұлт пен этностың татулық пен келісімде тұрмыс кешуі, қоғамдағы барша азаматтың этностық, тілдік және конфессиялық ерекшелігіне қарамастан, тең құқыққа ие болуы – ежелден келе жатқан Наурыз мерекесінің қағидаттарымен сәйкеседі.

Барлық ұлт өкілдерімен тіл табысып, тату-тәтті, бейбітшілік пен келісімде өмір сүру – барша қазақтың басты қағидасы болуы шарт» – деп барша елімізді ынтымаққа шақырған болатын.
Қасиетті Наурыз мерекесінің әр сәтінен біз ұлтымыздың  нақышын, салт-дәстүріміздің айқын қолтаңбасын көреміз, әрі мақтан тұтамыз.

Әрбіріміз  ауламызды, ауылымызды таза ұстап, жасыл желекке айналдырып Жыл басын үлкен үміт, зор құрметпен қарсы алайық.

Құрметті аудан тұрғындары!

Ұлыстың Ұлы күні Тәуелсіз елдің  азаматы ретінде әр қайсыларымыз бір-бірімізге ақ ниет, игі тілектер тілеп, елдің ынтымағы мен бірлігін асқақтату жолында жұмыла еңбек етейік!
Ұлық мерекеміз әр шаңыраққа бақ қондырып, қыдыр дарытсын!

Ұлыс оң, ақ мол болсын, ағайын!

361 қарау пікір: 0

Құрметті аудан тұрғындары!

Сіздерді  көктем мен жаңарудың, еңбек пен жасампаздықтың, достық пен татулықтың мерекесіне айналған Ұлыстың ұлы күні – Наурыз мейрамымен  шын жүректен құттықтаймыз!

Біздің ортақ үйіміз – Егеменді Қазақстанның  гүлденуі үшін атқарып жатқан еңбектеріңіз әрдайым жемісті де баянды болуына тілектеспіз.

Қасиетті мұсылман әлемінің қуанышпен құт – береке бастауы болған көктем мерекесі Сіздерге және отбасыларыңызға ырысы мен байлығын, бақыты мен ынтымағын әкелсін. Бар шаңыраққа  жайлы тұрмыс пен бейбіт өмір тілейміз. Әр отбасында бақыт, табыс, аманшылық болсын.Табиғаттың жаңару кезеңінде тың күшпен жаңа  биіктерге жетейік.

Ұлыстың ұлы күні Наурыз  мерекесі құтты болсын!

69 қарау пікір: 0

08/03/18

Құрметті ақ жаулықты әжелер, ардақты аналар, арулар!

           Баршаңызды көктеммен бірге шуағын шаша келетін 8 Наурыз Халықаралық Әйелдер күнімен шын жүректен құттықтаймын!

8 наурыз – өмірде болып жатқан тарихи, саяси, әлеуметтік өзгерістерге ұшырамаған ерекше мереке. Көктемнің алғашқы мерекесі ананың аялы алақанындай жүректерге жылулық ұялатады. Бұл – адамзаттың нәзік жандарына арналған мереке, табиғаттың оянуымен бірге келіп отыр.

Отан отбасынан басталады, ал оның қорғаны да, ұйытқысы да – әйел заты. Қоғамда ананың орны ерекше, себебі жер бетіндегі адамзат тіршілігі аналардан бастау алады.

«Алтын құрсақ ананың амандығы мен баланың жарқын күлкісі-біздің басты байлығымыз. Ана мен бала тағдыры мемлекет қамқорлығынан бір сәтте тыс қалған емес» деп атап көрсетті Елбасы Қазақстан әйелдерінің қабылдауында сөйлеген сөзінде.

Ұлы анамыз Зеренің зерделілігі, Ұлжан ананың ұлағаты, ару Тоғжан мен Еңліктің нәзіктігі мен ерлігі дарыған қазақ елінің ардақты аналары тарихи өңірдің өркендеуіне айтарлықтай үлес қосып келеді. Біздің аналарымыз – жарқын істерді бастаушы, ел бірлігінің ұйытқысы, ырыс пен ынтымақтың алтын діңгегі. Еңбекте, өнерде, білім беруде баршаға үлгі. Кейінгі толқын осынау игі дәстүрді лайықты жалғастыруда.

Бұл мереке жалпы адамзатқа әйел затының отбасындағы рөлін айғақтатып қана қоймай, олардың қоғамдық өмірдегі белсенді қызметін де паш етеді. Олар экономикамыздың барлық саласында жұмыс істейді, басшылық қызметтің бел ортасында жүріп, мәселе шешуде салмақты ой мен жауапкершілік жүгін қоса арқалайды.

Қадірменді аналар мен апа – қарындастар!

          Аудан халқының әл-ауқатын жақсарту жолында атқарып жатқан еңбектеріңізде табысқа жетіп, үлкен биіктерден көрінулеріңізге шын жүректен тілектеспін. Сіздерге мықты денсаулық, жұмыстарыңызға шабыт, отбасыларыңызға береке мен отбасы жылуын тілеймін. Сіздерді тек мереке күндері ғана емес ғұмырларыңыздың бар кезеңінде қуаныш, жақсылық және сүйіспеншілік лебі аяласын!

34 қарау пікір: 0

Ардақты әжелер, асыл аналар, әпке-жеңгелер

мен аяулы қарындастар!

 Сіздерді 8 Наурыз-Халықаралық әйелдер күнімен шын жүректен құттықтаймыз!

Нәзік жанды, адамзат жүрегін шуаққа бөлейтін шаңырақ сәні, өндіріс пен саясатқа белсене араласа жүріп, құдіретін таныта білетін, күш-қайратын ел тыныштығына арнаған әйел-аналар.

Ауданымыздың өркендеуіне аянбай атсалысатын Сіздердің алдарыңызда келелі істерде биік жетістіктерге қол жеткізер жаңа мүмкіндіктер ашылып, табыстан-табысқа жете беріңіздер. Әр салада қызмет атқара жүріп, өмірдің сәні, береке-бірліктің ұйтқысы бола білген әйелдер алдында бас иеміз.

Қымбатты әйелдер!

Нұрлы да мерейлі мерекеде Сіздерге мықты денсаулық, гүлдей нәзіктік, мерекелік көңіл-күй тілейміз. Мейрамдарыңыз құтты болсын!

36 қарау пікір: 0

15/02/18

Қымбатты Ауған соғысының ардагерлері, құрметті жиналған қауым!

Бұл күн – біз үшін тарихи күн

         Қазақстан Республикасының тұңғыш Президенті, ҚР Қарулы Күштерінің Басқолбасшысы Н.Ә. Назарбаев өз сөзінде: «Күні кешеге дейін көпшілік қауым үшін белгісіз болып келген Ауған соғысының жылнамасы отандық жаңа тарихымыздың ең қаралы парақтарының бірі болып қала береді.

Күш-жігері мен әл-қуаты мол, интернационализм идеяларын бойына сіңірген, Отан алдындағы борышын адал атқарған және өз болашағына имандай сенген жас ұрпақ осынау үлкен саяси ойынның құрбандығына шалынды.

Мыңдаған жас азамат жат елде жан тапсырып, мыңдаған қандастарымыз ұрыс даласынан жарақатпен оралды.

Оқ пен оттың ортасынан аман-есен оралғандар үшін, Ауғанстан мәңгілік жан жарасына айналды.

Тәуелсіз Қазақстан әлемдегі барлық елмен бейбітшілікті және өзара тату ынтымақтастық қатынасты сақтау жолын ұстанған ел болып саналады. Еліміздің жасампаз саясаты Қазақстанда және бүкіл әлемде тыныштық пен өзара татулықты сақтауға бағытталған.

Иә, өлгендер қайтіп келмейді, бірақ, соғыс жүрегіне өшпес жара салған азаматтарға құрмет көрсету – біздің қасиетті парызымыз» – деген болатын.

Бүгініңді бүлдіріп қана қоймай, болашағыңа да балта шабатын 10 жылға созылған бұл соғыстың   аяқталғанына  29 жыл болды.

Көңілде сызы, жүректе ізі қалған ауыр да азапты жылдар мен өткенді есте қалдыратын ғана емес, сол кездегі ана сүті аузынан кеппеген бауырларымызды еске алар күн!

Сол кездегі елге ағылған темір табыттардың тоқтаған күні!

Жанары жасқа толы жесірлер мен жетімдердің, қара жамылған аяулы аналарымыздың жалғыз ұлын жоқтаған күн! Бақи болған қаһарман бауырларымызды қатардан іздеген күн!

«Интернационализм…» деген саяси науқанның құрбандығына айналып, оған имандай сеніп, бүгінгі күні күл-талқан болған тағдырының өтеуі мен бодауын кімнен сұрарын білмей кемсеңдеумен еріндерін тістелеп, өзегіне өкінішін жасырған күн!Қайғы болып қатталып, қасірет болып жатталып қалса да тәуелсіз Қазақстанның әрбір күні бейбіт өмірдің бесігінде тербетіліп әрбір үйдің түтінінің түзу шыққанын тілейтін біздер үшін, санамызда қанмен және термен жазылған күн болып қала бермек!

Майдангер азаматтар қашанда жастарымызды отансүйгіштікке баулитын бірден-бір өмір мектебі десек, Ауған соғысы ардагерлері II дүниежүзілік соғысын көрген ақсақалдарымыздың лайықты ізбасарыретінде, жастарымызды Жаңа Қазақстанның болашағы үшін патриоттыққа тәрбиелейді.

Қымбатты Ауған соғысының ардагерлері, қадірменді жиналған қауым!

Сіздерге, жанұяларыңызға зор денсаулық, ұзақ өмір, қажымас қайрат, еңбектеріңізге табыс тілеймін!Қазақ Елінің көк байрағы әрқашан желбіреп,болашағымыз баянды болсын!

39 қарау пікір: 0

Қадірлі жауынгер-интернационалистер!

2018 жылдың 15 ақпаны күні кеңес әскерлерінің Ауғанстан жерінен шығарылғанына 29 жыл толды.

Аға ұрпақтың Ұлы Отан соғысы жылдарындағы ерліктерін оқып, тыңдап өскен Сіздер, өз кезектеріңізде, осы тәрбиенің озық үлгісін бүгінгі жастарға көрсетіп, елге абыроймен оралдыңыздар. Сіздердің өткен ерлік жолдарыңыз-бүгінгі өскелең ұрпақ үшін үлгі, отансүйгіштікке, нағыз патриотизмге баулитын өнеге деп білеміз.

Өздерінің интернационалдық борыштарын орындауда өмірлерін қиған жерлестеріміздің есімі мәңгілікке ұмытылмақ емес.

Елбасы: «Бейбітшілік, тыныштық және жасампаздық–бұл біздің көшбасшымыз»- дегеніндей  Қазақстан Республикасының әрбір азаматы осы бейбіт және тыныш өмірді қалайды.

Сіздерге, жанұяларыңызға зор денсаулық, ұзақ өмір, қажымас қайрат, еңбектеріңізге табыс тілейміз.

37 қарау пікір: 0

01/01/18

Құрметті жерлестер!

         Барлықтарыңызды  Жаңа жыл мерекесімен құттықтаймын. Жаңа Жыл-қашанда әр адамның жүрегіне жаңа үміттер мен аппақ   армандар ұялататын, ғажайып қиялдарға қол создыратын мереке. Барша адамзат бұл күнді ой елегінен өткізіп, саралап, Жаңа  Жылға таза ниетпен, болашаққа деген мол сеніммен, нық қадаммен аттағанды қалайды.

Халқымызда «Өткен жылға өкпе жоқ, келер жылдан үміт көп» деген дана сөз бар. Біз қашанда өткенге салауат айтып, болашақтан жақсылық күткен халықпыз.

Алдағы жыл Сіздерді тек оң өзгерістерімен, ұмытылмас сәттерімен қызықты кездесулерімен қуантсын. Ортақ шаңырағымыздың жарқын келешегі үшін еңбектеніп жүрген баршаңызға бейбіт өмір, баянды бақыт тілеймін.                           Жаңа жылда тілеген тілектеріңіз, армандарыңыз бен үміттеріңіз  толығымен орындалып,  барлық бастамаларыңыз сәтті болсын!

36 қарау пікір: 0

 Құрметті аудан тұрғындары!

Барлықтарыңызды келе жатқан «Жаңа-2018 жыл»  мерекесімен шын жүректен құттықтаймыз!

Тәуелсіздік алған  жылдарда еліміз өзінің экономикасы мен саяси жүйесін реформалауда айтарлықтай табыстарға қол жеткізді.

Қазақстан халқының тұрмыс деңгейі көтеріліп, әлеуметтік –экономикалық салаларында тың жобалар қолға алынды. 2017 жыл егеменді еліміз ауданымыздың өркендеп, дамуына қолайлы жыл болды.

Босағамыздан аттағалы отырған Жаңа 2018 жылға артып отырған сеніміміз мол. Алдағы жылы  барлығымыз бірлесе отырып, аянбай еңбек етсек ауданымыз одан әрі гүлдене түседі деген сенімдеміз.

Қадірлі жерлестер!

Сіздерге жаңа жылда жаңа бақыт, жаңа табыс әкелсін. Атаулы мерекеге орай барлықтарыңызға зор денсаулық, қуаныш пен бақыт тілейміз!

36 қарау пікір: 0

06/12/17 6 желтоқсан

Құрметті прокуратура органдарының ардагерлері мен қызметкерлері!

Сіздерді кәсіби мерекелеріңізбен шын жүректен құттықтаймыз!

Заң мен құқықтық тәртіптің сенімді қорғаушылары, азаматтардың бостандығы мен конституциялық құқын қорғау, қылмыс және сыбайлас жемқорлықпен күресте заңдылықтың сақталуына, жалпы мемлекетте құқықтық саясатты жүзеге асыру бойынша міндеттеріңізді ойдағыдай атқара отырып, Сіздер қоғамдық тәртіп пен заңдылықтың кепілі болып табыласыздар.

Ел ішінде тыныштықтың, заңдылықтың сақталуын қамтамасыз етуге бағытталған еңбектеріңіз әр уақытта қоғам тарапынан жоғары бағаға ие болуда.

Құрметті прокуратура қызметкерлері!

Қиын да жауапты қызметтеріңіз үшін аудан тұрғындары атынан алғыс білдіре отырып, шынайы ықыласпен зор денсаулық, отбасыларыңызға береке-бірлік, егеменді еліміздің гүлденуі жолындағы қызметтеріңіздің жемісті болуын тілейміз!

4,175 қарау пікір: 0
Page 1 of 812345...Last »